މާލޭ އުތުރު ފަރާތު ބަނދަރު (ނޯތު ހާބަރ) ސަރަހައްދުގައި ތަރައްގީކުރަމުން އަންނަ ފިންގަރ ޖެޓީ މަޝްރޫއުގެ ދަށުން، 15 މީޓަރުގެ ޖެޓީތަކަށް ބޭނުންވާ ކޮލަމް ހަރުކުރުމުގެ މަސައްކަތް މިހާރު ކުރިއަށްދާކަމަށާއި، އެ މަސައްކަތް އަންނަ ހަފުތާގެ ނިޔަލަށް ނިންމާލެވޭނެ ކަމަށް ހާމަކޮށްފިއެވެ.
މި މަޝްރޫއުގެ ދަށުން ކޮލަމް ހަރުކުރުމުގެ މަސައްކަތާ އެއްވަރަށް ރީއިންފޯސްމަންޓް (ރޭނުމާއި ދަނޑިގަނޑު އެރުވުމުގެ) މަސައްކަތްތައްވެސް ބާރުމުވެއްދިކޮށް ކުރިއަށްދާއިރު، ކޮންކްރީޓް މަސައްކަތްތައް އަންނަ ހަފުތާގައި ފެށޭނެ ކަމަށް ލަފާކޮށްފައިވެއެވެ.
18.98 މިލިއަން ރުފިޔާގެ ޚަރަދަކަށް އެމް.ޓީ.ސީ.އެމް އާ ހަވާލުކޮށްގެން ކުރިއަށްގެންދާ މި މަޝްރޫއަކީ މާލޭ އުތުރު ބަނދަރު ސަރަހައްދަށް ދިމާވެފައިވާ ތާށިކަމަށް ލުޔެއް ހޯދައިދީ، ފަސޭހަކަމާއެކު ފަސިންޖަރުންނާއި އުޅަނދުފަހަރަށް ޚިދުމަތް ދިނުމަށް ފަރުމާކޮށްފައިވާ މުހިންމު މަޝްރޫއެކެވެ.
Under the Design and Build of Jetties in Malé North Harbour (Finger Jetty) Project, column installation for the 15-meter jetties is underway and scheduled for completion next week.
Reinforcement works are progressing simultaneously, while concrete works are expected to commence… pic.twitter.com/Da1VNZTpnK
— MTCC Plc (@MTCCPlc) October 16, 2026
މި މަޝްރޫއުގެ މައިގަނޑު މަސައްކަތްތަކުގެ ތެރޭގައި 25 މީޓަރުގެ ދިގު، 6 މީޓަރުގެ ފުޅާމިން ހުރި 3 ޖެޓީއާއި، 15 މީޓަރުގެ ދިގު، 6 މީޓަރުގެ ފުޅާމިން ހުރި 3 ޖެޓީ ހިމެނެއެވެ. މި ޖެޓީތައް ނިމުމުން، އެ ސަރަހައްދުގައި އެއްފަހަރާ ގިނަ އުޅަނދުފަހަރަށް ކައިރިކުރުމުގެ ފުރުސަތު ލިބިގެންދާނެއެވެ. މިއީ އާންމުންނަށް ފަސޭހަކަމާއި ރައްކާތެރި ކަމާއެކު އުޅަނދުފަހަރަށް އެރިކައިބު ވުމަށް މަގުފަހިވެގެންދާނެ ކަމެކެވެ.
މާލޭގެ އުތުރު ފަރާތު ބަނދަރު ސަރަހައްދު ތަރައްގީކުރުމަށް ސަރުކާރުން ހިންގާ މިފަދަ މަޝްރޫއުތަކަކީ ވިޔަފާރި ބަނދަރު ތިލަފުއްޓަށް ބަދަލުކުރުމުގެ ސިޔާސަތުގެ ދަށުން، މާލޭގެ މަގުތަކާއި ބަނދަރު ސަރަހައްދުގެ ތާށິກަން ކުޑަކުރުމަށް ސަރުކާރުން ކުރަމުންދާ މަސައްކަތްތަކުގެ ތެރެއިން ހިންގޭ މުހިންމު މަޝްރޫއެކެވެ.
