އޭޑީކޭ ހޮސްޕިޓަލަށް މުވައްޒަފުން ނެގުމަށް މި މަހު 14 ވަނަ ދުވަހު ވޯކް-އިން އިންޓަވިއު ބޭއްވުމަށް ނިންމައިފި އެވެ.
މިކަން ހާމަކޮށް އޭޑީކޭއިން ބުނެފައިވަނީ ވޯކް-އިން އިންޓަވިއު ކުރިއަށް ގެންދިއުމަށް ނިންމާފައިވަނީ އެ ހޮސްޕިޓަލުގެ އެޑްމިނިސްޓްރޭޓިވް އޮފީހުގައި މި އަންނަ ހޮނިހިރު ދުވަހު ހެނދުނު 10:00 ފެށިގެން މެންދުރު 2:00 ޖެހުމާ ހަމައަށްކަމަށެވެ.
އަދި މި ވޯކް-އިން އިންޓަރވިއުތަކުގެ އަސާސީ ޝަރުތުތަކުގައި ހިމެނެނީ ދަށްވެގެން އޯ-ލެވެލް ފާހެއް އޮތުމާއި، ކޮމްޕިއުޓަރަށް ފަރިތަވުމުގެ އިތުރުން ދިވެއްސާއި އިނގިރޭސިއަށް ފަރިތަވުން އަދި މުއާމަލާތް ކުރުމުގެ ހުނަރު ހުރުމަށްވާއިރު، މުވައްޒަފުން ނެގުމުގައި ޝިފްޓް ޑިއުޓީ އަދާކުރެވޭނެ މީހުންނަށް އިސްކަންދޭނެކަމަށް އެ ހޮސްޕިޓަލުން ބުނެފައިވެއެވެ.
Mark Your Calendar!
Walk-in-Interview on 14th June 2025
Venue: ADK Hospital#JobOpportunity #ADKHospital pic.twitter.com/uz1FqkREVK— ADK Hospital (@ADKHospital) June 8, 2025
މި އިންޓަރވިއުތަކުން ނަގަނީ ކިތައް މުވައްޒަފުންކަން އެނގިފައިނުވީނަމަވެސް، ވަޒީފާއަށް ނަގާ މުވައްޒަފުންނަށް މުސާރައަށް 9،000ރ. އަދި އޯވާޓައިމް ފައިސާގެ އިތުރުން ރިފްރެޝްމަންޓް ވައުޗަރު ލިބޭނެކަމަށާއި ހޮސްޕިޓަލުގެ ޕޮލިސީއާ އެއްގޮތަށް މެޑިކަލް ބެނިފިޓްސް ވެސް ލިބޭނެކަމަށް އޭޑީކޭއިން ބުނެއެވެ.
